Иако доаѓа од средната граѓанска класа, Чарлс на Оксфорд се спријателува со богатиот благородник Себастијан, чијшто живот се врти околу алкохолот и забавата. Кога Себастијан го повикува на својот имот, Чарлс е воодушевен од големината и убавината на имотот, но и од сестрата на Себастијан, Јулија. Но односите во семејството се многу напнати, а алкохолизмот на Себастијан е еден од проблемите, додека мајка му се надева дека Чарлс добро ќе влијае врз Себастијан . И покрај тоа, мајката на Себастијан и Јулија се спротивставува на бракот помеѓу Чарлс и Јулија затоа што тој е атеист и наскоро ја објавува свршувачката на Јулија со богатиот Рекс. По турбулентната свршувачка поминуваат четири години во коишто Чарлс станал познат и ценет сликар, а Јулија е во брак со Рекс, додека Себастијан е во Мароко, а неговата мајка е тешко болна и го замолува Чарлс да го донесе дома.
